Matrikulari uko egitea

Zer dakar matrikulari uko egiteak?

- Ez dauka eraginik deialdi-kopuruan.

- Klasera joaten jarraitzeko eta azterketak egiteko eskubidea galduko da.

- Matrikularen zenbatekoa ez da itzuliko.

- Lehentasuna ez da galduko hurrengo ikasturteko matrikulan, baldin eta justifikazio-agiriak aurkezten badira, Epeak eta Arrazoiak puntuan adierazitakoaren arabera.

 

Epeak eta arrazoiak

- Urriaren 15etik matrikula egin den urteko abenduko azken eskola-egunera arte, ikasle orok uko egin ahalko dio matrikulari, horretarako eskabidea aurkeztuta. Justifikatutako arrazoirik gabe egiten badu (jatorrizko justifikazioa eta kopia), hurrengo ikasturterako matrikularen lehentasuna galduko du.

- Egun horretatik aurrera eta apirilaren 30era arte, gaixotasun larriren bat, istripu garrantzitsuren bat edo bat-bateko beste edozein kausa larriren bat gertatuz gero bakarrik onartuko da uko egitea, behar bezala justifikatuta (jatorrizkoa eta kopia).

- Maiatzaren 1etik aurrera, uko egitea onartu ahal izango da soilik behar bezala justifikatutako istripu edo gaixotasun larriren bat (jatorrizkoa eta kopia) izan bada eta, horren ondorioz, ezinezkoa bada azken ebaluazio-probak egitea.

Nola eskatzen da?

Lehenengo aldian, eta justifikazio-agiririk aurkeztu behar ez bada, posta elektronikoz eska daiteke (014182admin@hezkuntza.net), eskabidea eta NANa bi aldeetatik erantsita.

Gainerako kasu guztietarako, aurrez aurre egin behar da Idazkaritzan, eta justifikazio-agirien jatorrizkoa eta kopia aurkeztu behar dira.